Ish-përzgjedhësi i Kosovës në futboll Edmond Rugova ka qenë sot i ftuar në emisionin ‘A PLAY’ në ATV.
Rugova në ‘A PLAY’ ka folur për kombëtaren e Kosovës në futboll e po ashtu ka treguar për kohën kur Xherdan Shaqiri ishte i gatshëm që të luaj për “Dardanët”.
“Ishte viti 2008 kur Xherdan Shaqiri, Anel Rashkaj dhe Migjen Basha të gjithë ishin të grumbulluar në kampion tonë në Zvicër. Me la përshtypje Xherdan Shaqiri një djalosh me fizik fantastik me ra në sy për të mirë. Ishte i gatshëm për të luajtur për Kosovën. Një moment me tha trajner me ruaj numrin 10 se unë do të vi”, tha Rugova.
Xherdan Shaqiri tashmë luan për Zvicrën.
Ai konsiderohet yll i “helvetikëve” tash e disa vite.
