Një tjetër aksident me vdekje është shënuar në rrugët e Italisë. Pak pas orës 10 të mëngjesit të sotëm, të hënën e 22 prillit, kamioni i drejtuar nga një i ri 25-vjeçar u përplas me shpejtësi të madhe me një kamion të ndaluar në një radhë në autostradën A22, në zonën midis komunës Veroneze të Nogarole Rocca dhe Mantovës në veri. I riu që ishte shofer- me origjinë shqiptare, me banim në Piza – vdiq brenda kabinës së kamionit, e cila u shkatërrua nga përplasja.

Ndihma e shpejtë e Veronës shkuan në vendngjarje, u përpoqën të reanimonin 25-vjeçarin, por ishte vonë. Policia rrugore e Verona Sud ka ndërhyrë për të zbardhur dinamikën e aksidentit. Sipas një rindërtimi fillestar, kamioni që drejtohej nga shqiptari u përplas me tjetër kamion më të madh, që kishte ndaluar më herët në autostradë. Operacionet për lëvizjen e rimorkios zgjatën deri në orën 8:22 të mëngjesit, kohë në të cilën një korsi u rihap për të lejuar qarkullimin e makinave.

Në orën 9:40 kishte një tjetër mbyllje të autostradës, këtë herë për të liruar rrugën nga rimorkio. I tradhtuar nga shiu dhe dukshmëria e dobët, viktima nuk ka vërejtur mjetet e ndalura në kolonë dhe ka goditur makinën e fundit të rreshtit. Autostrada qëndroi e mbyllur për trafikun deri rreth mesditës, kur përfunduan operacionet e shpëtimit dhe sigurisë për automjetet.