Një aksident është regjistruar mbrëmjen e sotme në Durrës, në afërsi të Urës së Dajlanit. Mësohet se një makinë me shpejtësi është përplasur me një shtyllë afër një karburanti. Po ashtu, bëhet me dije se 4 persona janë nisur drejt spitalit ndërsa 2 janë në gjendje të rëndë.
‘Rreth orës 20:15, në autostradën Durrës-Tiranë, shtetasi M. Ç., 30 vjeç, duke drejtuar automjetin ka humbur kontrollin mbi drejtimin e automjetit dhe për pasojë është përplasur me një shtyllë në një karburant.
Si pasojë janë dëmtuar drejtuesi i automjetit shtetasi M. Ç dhe pasagjerët shtetasit K. G, N. V dhe E. V, të cilët ndodhen nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit’, njofton policia.
