Klajvert Çuni 21 vjeç, ka ndërruar jetë në Spitalin e Traumës në Tiranë. I riu ra nga tarraca e biznesit në pronësi të familjarëve të tij në fshatin Torovicë të Lezhës.
Që më 23 Mars i riu ka qenë i shtruar në spital në gjendje të rëndë, me plagë në kokë e pjesë të tjera te trupit e për pasojë nuk ia doli.
I riu ishte kapiten i akademisë së Shënkollit. Për vdekjen e tij ka reaguar përmes një mesazhi të ndjerë dhe Akademia e Shënkollit.
“Kësaj radhe nuk ja dole te fitoje betejen me te rendesishme o Kapiten. Shume beteja ke fituar duke luftuar ne fushe si një Kapiten i vëtetë, ishe Ai që të donin , Shokët, trajnerët, stafi por dhe të gjithë ato që të njohën nga afër! Ku ti gjejmë ne fjalët e ngushëllimit për të shprehur mungesën tënde dhe dhimbjen që na shkaktove, jemi lutur me shpirt këto ditë për ty, por si duket Zoti të desht pranë Vetes. Do na Mungosh shumë Klajvert Çuni. Pushofsh në Paqe Kampion”
