Edhe une kam me t’lan Kosovë
Njo ma pak a njo ma shumë për ty ska rëndësi
Po dikur mungesën përnime ki me ma nii
Edhe unë kam me t’lan Kosovë
Rri me ata që për një kokërr vote, t’shtin me rreh bojlerin me thupërr
Kosovë fabrikë prodhimi për diploma
Aty ku në qerdhe sheh filma horror
E në shtëpi pleqsh ushtrohet terror
Kosovë një kasaphane!
Aty ku djali nanën e rreh
Dhunë pa mëshirë ndaj babës ushtron
Kosovë një kasaphane e pa pame
24 vjet nga lufta hala me Mitrovicën e ndame
Edhe unë kam me t’lan Kosovë
Nji ma pak a ma shumë për ty nuk qon peshë
Po dikur mungesën ki me ma ndi
Mu e atij tjetrit që për një vend pune me vite t’kemi prit
Kushërit,teze e dajt s’patën t’sosun
Krejt në vende pune i ke rahatu
E popullit të shkretë sen kurrë s’pate me i ofru
Kam me shku Kosovë
Larg e ma larg
Malli ka mem djeg
E asnjiherë s’kam me t’dasht ma pak
Gjjthmonë shumë e ma shumë
Rri ti Kosovë me gjyqësinë e korruptune
Me mjekësinë e harrnune
Rri me ata që pllam për pllam t’kanë coptu
Te ti ditë për ditë po vrahen
Ditë për ditë po dhunohen
Fmija në qerdhe po maltretohen
Pleqt po torturohen
I vogli t’madhin s’e respekton
I ngopuri t’untit s’ia beson
Me diploma bohen pazare
Masanej formohene kuadro qe vec bojnë zarare
Lufta për karrige fort zgati
Populli thesin e shkyem
E politikanve kurrë s’po ju harxhohet bankomati
Shkruan : Blerina Ademi Sahiti